又到咗《山旮旯》嘅時間喇喎！大家今日係唔係覺得凍咗好多呢？咁返工返學之前記得著多件衫，唔好冷親呀！天氣突然凍咗咁多，真係好想約埋三五知己圍埋一齊打邊爐，諗起都有啲肚餓。
講開打邊爐，大家又知唔知道，原來我哋一直以嚟寫嘅「邊」字都係錯咖呢？嗱，唔講你真係唔知，其實正確嚟講，我哋係應該寫成「打甂爐」先至啱咖！「打甂爐」意思即係「吃火鍋」，「甂」讀作「邊」，係古時一種用瓦製成嘅闊口器皿。我哋家陣成日將「甂」寫成「邊」，大概係因為我哋通常都會成班人圍喺個爐邊度一齊「烚吓烚吓」，所以我哋而家咪借用咗個「邊」字嚟代替個「甂」字囉！
咁個「烚」字又係唔係真係咁寫咖？話埋俾你聽嘞！其實係應該寫作「煠」咖！「煠」係其中一種煮食方法，意思即係就咁用滾水將啲食物整熟，亦都即係我哋平時所講嘅「白煠」。「打甂爐」嗰陣，我哋咪就係用呢種方法整熟啲嘢嚟食咖囉，所以有時你都會聽到我哋啲香港人講話「煠吓煠吓」嚟去到表達「打甂爐」呢個意思咖！大家記住喇！
毅志教育中心 - 香港仔補習社, 田灣補習社, 南區補習社, 香港仔功課輔導班, 田灣功課輔導班, 南區功課輔導班, 田灣始南, 田始, 置富始南, 香港仔聖伯多祿, 南官, 南區官立, 華富邨寶血, 海怡寶血, 田灣關老師, 香港仔關老師, 南區關老師, 南區補習老師, 田灣暑期班, 香港仔暑期班, 南區暑期班, 中文, 英文, 數學, 小一, 小二, 小三, 小四, 小五, 小六 