第二集 – 走走糴糴

大家好!又到咗《山旮旯》嘅時間喇!今集要介紹嘅字係個「糴」字。咩話?見都未見過?咁又唔奇喎,不過你一定識得點讀!唔信?唱兩句歌俾你聽你就識讀咖喇!

「我哋呢班打工仔,通街走糴直頭係壞腸胃……」

香港仔補習社3

哈!呢隻歌聽咗幾十年,係唔係家陣先發現你唔識得寫呢個字呢?「糴」字部首為「米」部,讀作「笛」,同「籴」字相通,解作「買米」嘅意思,所以我哋成日聽到啲人話「糴米」,原來即係「買米」,而且仲真有其字咖喎!咁《半斤八両》歌詞裡面嘅「通街走糴」又係咩意思呀?其實即係「到處奔波」咁解。所以我哋廣東人有時都會用「走走糴糴」呢句說話嚟到表達自己「出去做嘢做到好辛苦!」咖!

唔知大家留唔留意到,其實個「糴」字嘅結構非常有趣咖喎!細心留意一下「糴」字嘅左手邊,你會發現係由「入」字同「米」字組成嘅,所以淨係睇個字,大家都應該大概會估到呢個字嘅意思!咁有無一個字解作「賣米」咖?講埋俾你聽啦,「糶」字 (留意呢個字左手邊係由「出」同「米」組成咖!) 就係解作「賣米」嘞! 「糶」讀作「跳」,有時我哋睇戲嗰陣聽到啲毒販話「跳灰」,其實應該寫作「糶灰」,意指「賣白粉」咁解!不過呢個詞語始終比較俗,大家當學識多個中文字就算喇,千祁唔好亂用呀!

田灣補習社3


發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s