細個嗰陣，阿媽教我哋做人要講口齒、講信用，如果講大話就會甩大牙。廣東人如果想話人哋講大話，佢哋有時會用到「車大炮」呢個詞語。不過真係勢估唔到，原來「車大炮」本身都係一個大話，因為根本就唔係咁寫咖喎！

「車大炮」一詞，其實應該寫作「奢大奅」咖！「奅」讀作「炮」，「大奅」嘅意思就即係「大謊話」; 而「奢」喺呢度就當動詞用，解作「誇大」或者「奢言」。「奢大奅」成個詞語就即係話人哋「講嘢誇張失實」咁解！