嗱，首先我哋要知道「閉翳」其實係錯字嚟嘅，我哋應該寫成「贔屭」，與「閉翳」同音。「贔屭」其實係一種好似海龜嘅神獸，傳說中「贔屭」被大禹收服，從此受其指揮，為治水作出咗好大嘅貢獻。治水之後，大禹就叫「贔屭」孭住塊大石，上面重刻咗佢「大禹治水」嘅功績，搞到「贔屭」郁都郁唔到。而家我哋有時經過啲廟嗰陣，見到嗰隻好似海龜嘅石雕就係佢嘞！就係咁，我哋就用「贔屭」一詞嚟形容人背負住好多壓力，而又解決唔到嗰陣嗰種好煩惱嘅心情嘞！