每一年嘅冬天，我個嘴唇都會爆晒拆，望落紅紅腫腫，重厚過麥當勞叔叔個嘴呀！

講到我哋廣東話所講嘅「爆拆」，到底係應該點寫咖呢？係「爆拆」？定抑或係「爆擦」至啱呢？其實「爆拆」或者「爆擦」都係錯咖，正寫應為「㿺㿭」先至啱嘅！至於讀音方面，「㿺」應讀作「剝」或者「雹」，而「㿭」則讀作「拆」，「㿺㿭」即係指「皮膚皺裂」嘅意思。由於呢兩個字所表達嘅意思都係關於皮膚，所以都係用「皮」字做部首咖！大家記住喇！