貪靚向來都唔係女士專利，而家女士有女士減肥，男士有男士做Gym，總之無所不用其極，要有咁Fit得咁Fit。好多做開Gym嘅男士，食蛋都只會淨食蛋白，唔食蛋黃，因為佢哋嫌蛋黃太肥。講開蛋黃，原來個「黃」字最初並唔係咁寫咖喎！

「蛋黃」個「黃」字，而家根本用電腦都打唔到個正字出嚟，大家今次只可以睇相嘞！呢個字個音都係讀返「黃」，唔知大家有無留意到佢個結構係由個「殼」字加個「黃」字組成咖呢？中文字最勁就係呢樣嘢嘞，見到呢個字嘅構造，就知佢解作「殼中黃」，亦都即係「蛋黃」咁解囉！咁我哋而家將佢寫成「蛋黃」有無錯呢？大家可以放心，由於原本嗰個字太繁複，而家已經用咗「黃亅字嚟取替咖喇！